唔記得邊日既黃昏

同阿強再次談到死亡

再次在感嘆世事無常

雖然已經係好老套又無聊既話題

但每次講起也總是令人......

可以認形容為失落吧

即使我既宗教給予我一個永生的肯定

我仍然驚死

可能係太多野唔捨得

又太多野未做過未試過

無緣無故死左

所有一齊就會消失 過去

留低既就只得一大堆遺撼

想表達的不能再表達 想看見的不能再看見

好可怕

「伴隨死亡而來的，比死亡本身更可怕。」

阿強:「想開始寫下日記 就算死左人地睇番都知你諗過d咩」

可能呢個亦係anthonIII存在既原因

自覺打既野諗既野經常都好白痴

我都唔知我幾時先學識成熟

但這就是我活過的證據吧

可是這其實並不重要也無謂

卻不知為何我們都想別人記得自己

我想大概沒有人會想被遺忘

「諗咩啊 屙督尿算啦」

係大限到之前努力自己所追求

學業 工作 友情 親情 喜好 理想

仲有我好友渴求緊既愛情

無論邊一方面 能取得平衡

而自己認為活得有價值 那就好了

希望我仍能不斷見證未來的過去

死亡遲早都找你 切匆憑自己

「習慣成自然」

是極可怕的轉變過程

本不情願的

因習慣了變得再沒所謂

原來討厭的

因習慣了變得沒有嗜好

但可怕之處在於「習慣成自然」是自然的

所以我們都會自然的習慣成自然

變成了行屍走肉卻不能知曉

終於開始和班上的同學熟落

課堂多了一點點歡樂的氣氛

每日放學行去地鐵站
都會經過呢幢名叫「雷生春」既古舊建築物

媽子話比我聽呢幢空置左好耐既野
係一間有名既鬼屋!?

即刻上維基search

「雷生春空置多年，不時傳出鬧鬼的傳說。
最為人所知的傳說是，根據祖訓，雷亮的後人絕對不能將雷生春變賣或者拆卸，
但有後人違背祖訓，委託工人拆卸雷生春，
在拆卸期間工具不翼而飛，工人也相繼病倒。
從此，雷生春就再沒有任何拆卸工程。」

雷生春大門

上星期見到有兩個警察
打開左道門用電筒係到唔知照乜
諗住睇下裡面係咩黎

點知門內竟有門......

搵日爬入去睇下

WONG ON YAT?

星期六教會團契既時候

呂教師咁樣問:

「如果有一部web cam

一路拍抵左你由出世以黎到而加

每日24小時既生活

你敢唔敢睇番自己條片? 」

我唔敢 連呂教師都話自己唔會敢

因為每個人都唔係只有顯露係人面前好既一面

亦都有陰暗 有壞意念而自己先知既一面

其實犯罪在我們的角度並非只是指觸犯了法例

好簡單

一d自己做左 而又唔敢睇番 唔敢面對怕比人知道既野

就係犯罪 因為好野唔怕比人知

就算思想上既都一樣

就如詛咒 憎恨 忿怒 淫念

就係咁鬼高要求

所以其實每人都會犯罪

牧師都會

我都會 成日詛咒係我面前行過既情侶

明知係唔好既 都會去做去講去諗

無可厚非 我地係人唔係神

但係如果而加話比你聽

救恩可以將你條片刪除

你肯唔肯接受?

係我就實Lur飯應

我地相信人死左之後會有上帝既審判

到時候我地既人生

就會好似播片咁播番出黎

所有唔好既野 上帝睇住你睇住

點樣好意思交待?

但係只要你相信

口唱心和相信耶穌係上帝既兒子

佢為我地既罪死係十字架上

你既罪就得赦免 可與上帝係天堂享受永生既福樂

「咁咪好著數?」

就係咁著數 咁簡單 相信便可以

當然呢個唔係一個任意犯罪既憑藉

上帝有恩慈 亦有公義

「你講我就信?」

咁當然唔係 無可能添

好記得好耐之前友人講過既一句:

「有個人突然拎住本好厚既野

走埋黎叫你信 你會點?」

唔信住 咪試下先

不要第一下就將其拒於千里 嘗試聆聽一下

即係有人同你講個間餐廳d野幾好食

你唔會試都未試 就話:「唔啦 一定唔好食 打死我都唔去」

如有朋友跟你分享福音

不要認為他們討厭 長氣又麻煩

「講耶穌」要背負很大的心理壓力

有接近七成半機會會受到恥笑 挑戰

這也是現在我選擇「打耶穌」的原因

其實他們沒有必要跟你分享 獨享則可

然而朋友卻背負這些恐懼 走來邀請你一起到教會

不為什麼

只是想把他們認為最美好的 與你一同分享 讓你也得到快樂滿足

救恩就在我們面前

不分高矮肥瘦 不論是毒男或港女 喜歡男的 喜歡女的

衪都一視同仁

叩門的就必應門